Tuesday
3 February 2015
Written
By: David Makacha
Muzaya Kare Kwaiya nani
Karetu kwaiya nani muzaya
Mvura yainaya yedu minda tichirima
Ini wako sekuru
ndaibata hamburamaka yendima
Zvakanga zvisiyo
izvi zvekunyima
Mumuganga mwedu isu
taihinana
Makaka, makebe,
tairya techiguta
Dzaitaima mhanza
dzechembere nendota kukhomba kurya dzechiguta
Ukapenya dzedu
mhatso mazuwa awawo dzainge maguta
Nyamashi yawe
mikarakadzo, ndoti karetu kwaiya nani muzaya
Nyamushi pashi
paagangarahwe
Kuti ndiMarure ere
wadai kushatirwa apana unoziyaba
Zvaide iwo aripo
ashurukwa kuti atironzere nekuti ndiwo anoziya
Toboorera ndiyo
nzara ngekuti tademera, taziya
Hino hekwakadai
kupera asharukwa acho ndiani uchatironzera
Zvadzangodai kusara
pwere dzino pwereketa zvisina nzeroba
Zvitsanza hapana
achiziye kubikwa kwazvo
Nyika yaita
mutsongonono
Saka ndati
karetu kwaiya nani muzaya
Karetu kwaiya nani
Umambo hwaiye
majana aishadzanwa
Taiziya mutape ndimutape
vanopurutanwa kana vareketa
Nyamasi mutape
oitwa zitukawatuka hure rekwaMuganga
Nyamusi
toambanirana umambo tichizhindana
Ana adoko obata
ndebvu dzaMutape
Makomo nemakwasha
aiera apana uchayeresa
Kare kwaiya nani
muzaya
Humwe nezunde
ramutape ndiwo aiya magariro edu
Nyamasi amazvake
mazvake nepangu pangu kurira kwengoma
Yainaya mvura kuti
warakata
Onei michero
nechowa zvozara kuti chakata
MwaSaye umwo taidzirya tshakata
MwaMusani umo
zvaivemo zvitopota zvaana tungata
Hapana aitwi pwe-e
kana idzo n’anga dzachaya hakata
Asi nyamusi zveshe zvaoma kuti papata
Kare kwaiya nani
muzaya
Mhandara nemajaha
vaidada neumhandara
Nhasi dzanagano
muzaya
Kwakutsakara
kwechitoo kunga chisina kumboryiwe nyama
Saka ndati karetu
kwaiya nani muzaya
 |
Picture
credit: Sekuru Tee, from REKETE CHINDAU - LEAVE A LEGACY
Facebook page
|
MAGUMO!!!
Goodwork
ReplyDelete