CHINODYA: BY ALI ISRAELl SIMBI

Friday 16 January 2015

Written By: Ali Israel Simbi

Editor: Takudzwa Chikepe

CHINODYA

Chinodya...                                                                                                                                    

Ko ndianani vafunga kukudya ava                                                                                                           Hanzi ndodyiwa nemakava, mbira dzoreketa mangu munzeve                                                                 Vakanganwa here kuti ndiwe wakatidyira mavara                                                                     

Ukatisiya tazara nenzwisiso kuti papapa

Mwoyo wangu wapisa
Wapisa semwondo
Mwondo uchangoburwa muchoto
Guhwa ratekeshera semukondombera
Vavengi varikutaura zvavanoda
Chavanorwa hakuna anoziva
Idaka bedzi ravainaro
Hunzi Chinodya wadyiwa
Wadyiwa njere nezvinyorwa
Ihwo hurwere hwacho
Huchida kutsvakirwa chakonzera.

Hazvinei hazvo…
Tariro netarisiro
Kwamuri Samasimba taisa
Chimirai nesu Jehovha
Panguva yakaoma kudai
Munyori Chinodya
Ngaasimbiswe agonaya...
Basa rigopfuurira mberi.

Ibasa guru risina angakwanisa
Rinofanirwa kuzadziswa
Naiye pachake Chinodya
Zvizhinji, zvatisati taziva
Izvo zvatinoda tigoziva
Chokwadi Zame
Mirai naye Chinodya
Vavengi vagonyadziswa
Adzokere mundima
Nyika igova ive neruzivo

Chinodya...                                                                                                                                    

Ko ndianani vafunga kukudya ava                                                                                                             Hanzi ndodyiwa nemakava, mbira dzoreketa mangu munzeve                                           

Vakanganwa here kuti ndiwe wakatidyira mavara                                                                    

Ukatisiya tazara nenzwisiso kuti papapa

MAGUMO!!!