NGADZIRIDZWE MBIRA: BY SHEPHERD ZENGEYA [...MHAZI...]

Sunday 11 January 2015

Written By: Shepherd Zengeya

Editor: Takudzwa Chikepe

Tribute to: Tendayi Gahamadze

NGADZIRIDZWE MBIRA

Dhidhidhi-dzi!

Vapwere tamira
Mbira ngadziridzwe…                                                                                                           

Gore rino tinonzwa nokunzwirira,                                                                            

Tinonzwiririra mutsindo wavo vakuru!

Pangava pamuchato… ngadziridzweee
Hapana gungano rinosarira,                                                                                                  

Rinosaririra gungano hapana!                                                                                                         

Muri mumachechi- ngadziridzwe!                                                                                   

Mimasangano kana muzvikoro- Ngadziridzwe!
Ngadziridzwe…ngadziridzwe mbira dzitambwe…

Makore mangani vana Mbizi vachimiramira?                                                                  

Vakatendwa nani…Vakagadzwa nani?                                                                        

Zvongonzi ndivavo ava hauvazive here?                                                                                         

Ndidzo dzedu idzi haudzizive here?

Gore rino… ngadziridzwe kusvika dzaputika!
Masvikiro achisvika
Midzimu ibude
Nzizi dzipfachuke                                                                                                                     

Musha uchene!

Gore rino ngadziridzwe,

Ngadziridzwe mbira dzitambwe!

Mukurumbira usvike mberi- mberi

Kumberi-mberi chose…kwamusikizanwa,

Kwamusikizanwa nenyama- munyu ndakabata!

Tasuva manyakara edu,

Edu mayakare tasuva!

Nhembe dziridzo uye dziripo

Vana Mbizi mavaona                                                                                                          

Tichionawo namadzisahwira avo
Namadzisahwira avo achitiratidzawo

Dzavo mbira, yavo mikombe, hosho neavo matehwe.

MAGUMO!!!