INI HANDIITWE IYOYO: BY SIMBARASHE ZHARO

Tuesday 20 January 2015

Written By: Simbarashe Zharo

Editor: Takudzwa Chikepe

INI HANDIITWE IYOYO

Handiitwe iyoyo
Haaaaaa- Handiitwe iyoyo…
Zvawave tsvigiri- musikana… tsvarakadenga chaiyo
Kununa! Watsvinda… nokuti sipo ndatenga
Zvowoshainira ini nokuti vazowanda vanaNyengo
Wakanganwa akakuda uzere shena?

Bodo! Kwete-ndaramba! Handiitwe iyoyo…
Iko kutozokanganwa chazuro nehope
Woda kupfuma nemusana senyope?
Kumuka nechuru chemari kubva mubonde…
Chokwadi mhepo dzekwenyu dzichakuita rombe…
Kushaina wadhakwa unoputsa mukombe!
Zvino Wazoruma pasi- uchahunwira pai- mumatope!

Handiitwe iyoyo mhani!
Kukubata sezai… wanike ai! Inga imhakure
“Kurera bhoki nemukaka…inokushamira wakadhibha shuwa!''

Handiitwe iyoyo-amai!
Unondisema… iwe uri gonzo randakapfuya
Nhasi wave kutooneka nokuti wapedza dura?
Tisingatambise hedu nguva: nharembozha iyo yakadhura…
Chimbi-Chimbi! Changu chose patafura!
Eh-eh!
Uyu mwana anoto shura: yaisava neSim pandakakupa?
Mbatya neshangu ndave kutotakura.
Nezvawakapfeka hako mwanasikana… kurura!!!

Kuda kutamba chamuhwande hwande nyoka mumwena!

Nxa! Handiitwe iyoyo- ini
''chido chemwoyo Kani usadaro!''
Usadaro?
Chido chemoyo?
Chibva watozvibata chimuromo ichocho
Handitengwe netsvigiri- shoko!
Moyo ndatowora…

Nhasi wazomedza tsono
Wange wokanganwa chando
Handiitirwe iyoyo- ini…
Kwandaita uku ndiko kudzima moto
Kuseka muriwo uchida kuseva nhoko
Nhasi ndozviitira- svoto
Chigamuchira mutongo
Ndiwe watuka musha uchinange dondo!

Ndaitiwo mugudza dzvene tiponde
Mombe nembudzi Chipinge takaendesa
Mafuta okutiwo ustvinde
Iwe chamupidigori mutsine
Kupfira mutsime
Kukanganwa zuro nehope
Twangu twose ndipe!
Ndikadhakwa handiitike…
Hasha dzoita sekumanginde!

Ukatapirirwa nedhindindi unoda kutyora hosho- handiti
Dakukupinza chikoro
Nhasi ndotokutushura mhopo

Kusvika wapinda muforo…
Nokuti inini handiitirwe Iyoyo!

INI HANDIITWE IYOYO

MAGUMO!!!