MUPETA: BY SHEPHERD ZENGEYA (...MHAZI...)

Tuesday 13 January 2015

Written by: Shepherd Zengeya

Editor: Takudzwa Chikepe

MUPETA

Mupeta- mupeta chete
Nyangwe mukauti doro- mupeta chete

Siyano… mupeta unogogodza pfungwa
Doro rinogara zvaro mudumbu rozvinyararira                                                               

Kwanhasi aiwa tombosendeka uyu… doro wemudumbu

Tombomusendeka hedu, takanyatsomuringa mupeta

Mupeta anosunga nokusunungura
Hazvina kuti uribaba, amai, mwana, sekuru kana mbuya
Pfungwa dzinogogodzwa- kuti gogo go go go                                                                 

Dzikaparadzwa kunge hondo iya                                                                                                

Zvino haana kukuvara… vanobvunza
Apo sekuru vanenge vadonha negotsi vati zii                                                                                  

Apo anenge angova mashinyiro… vanhu kusanzwisisa                                                                    Vadirei mvura kana vakumurei hanzu varohwe nekamepo                                               

Vanenge vashushikana ivo venyu vanhu sekuru…
Aiwa imbovasiyai vakadaro… vanomuka, vamwewo vanoziva ava

Zvino havana kufa?
Kwete! varikufema kungoti vakiwa chaizvo

Ko vanodi kudira mvura pavanomwa,
Asi havazive kuti mupeta uyu?

Kana ndapetwa ndicharova amai…
Kanyama karipii,
Nhasi handidye muriwo kunge mombe yemashanga!

Veduwe dira mvura mumupeta pfungwa dzipetenuke.

MAGUMO!!!