MHOSVA YAKO DEMO: BY SHEPHERD ZENGEYA (...MHAZI...)

Monday 12 February 2015

Written by: Shepherd Zengeya

Editor: Takudzwa Chikepe

MHOSVA YAKO DEMO

Miti inhaka yedu...

Ngaichengetedzwe!

Kuparadza miti pasina mhaka…

Rwako ruvengo rwakadii demo?
Rwakai kudzika zvisina tsanangudzo…

Matunhu ose mavanga chete,

Mavanga pese-pese, kwese-kwese

Ko iyo mhosva isangaripike yakaitasei?

Mipani, minhondo, misasa, miuyu
Mavanga chete!

Simba rako rinobvepi demo?

Nhai iwe demo…
Kana urimupinyu, wanyanyo simba sei
Usingambotyokewo kana kuvhunika?

“Hatikanganwe demo”
Rwangove rwuyo rwemiti!

Pese panovhuvhuta mepo
“Hatikanganwe demo”

Mashizha achiridza hosho,

Mapazi achidzvova…
Ndirwo rwuyo rwadzo miti!

Dai tine makumbo maviri- kana mana
Dai tine maziso maviri- kana mana

Kwangove kufunga kwedu isu mhiti,

Isu wawakamhura nehutsinye hwako!

Mazano tapererwa….

Isu hatisisina nezano rose…

Takumbira- tapfugama demo

Inzwawo edu aya mazwi…

Zvimwe dzinza redu ringambotandavarawo…

Zvimwe edu mapazi aya anganzvenzverewo pasi

Kuri kuratidza hukuru, makore mazhinji atawona!

Asi tarisa uone…tingapatsanuke here ikozvino?

Handiti tava kungoita sezvijaya tese tese…

Nekuda kwemakaro erwako rwumuromo

Runorwera rute…kungonzwa afema pakati pedu

Arara, hanzi wararirei?

Chako kuda kutiona takasuwa, tichichema tiine madzihwa nguva dzose!

Demo…demoiwe… uchasuduruka riniiko tivenerufaro?

Demo…demoiwe…uchasuduruka riniko tivenerufaro?

MAGUMO!!!

.