MUDIWA HUYA: BY MARTEL RIC MAK (CHIEF OF KATANGA)

Tuesday 13 February 2015

Written by: Martel Ric Mak

Editor: Takudzwa Chikepe

MUDIWA HUYA

İngaita mhere kukuona wauya

Haaaaaa... heeeeee... hiiiiii... zvangu

Huya unditore nerwako ruoko

Rwunyoronyoro runopfavisa wangu mwoyo

Pamwe chete  nemwoyo  wako

Uyo unondikwezvera mubindu rerudo

Huya unditore ndive nemufaro

Huya unditore ndive nemufaro mudiwa wangu

Idzi dzinongova hope mukufunga

Kufunga iwe- iwewe chete mudiwa wangu

Daizvaigona...wauya unditore nerwako ruoko

Tiende mudiwa- tiende mudiwa wangu

Tiende küre küre kusina ruzha

Kuzere rudo rwezhizha chairo

Kwatinonzwa shiri dzichiimba

Takagara tingori vaviri chete

Iwo mwoyo wangu uyu

Unochema... kuchema- kuchema chaiko

Kuchemera iwe  mudiwa wangu

Dai wauya ndifare neanguwo mashoko

Ndati ndirwubate runhare mbozha

Wanikwe aikazve zvachiri chinyakare

Misodzi yerudo  nyangarara pameso

Mvengemvenge....misanganiswa yedzangu ndanariro

Nerunako rwako urwu mudiwa- dai wauya unditore

Ini sewako ndikufadze uchiyemerera- uripo

Pamapendekete angu aya- ongokunguruka oga

Chingouya kani mudiwa wangu wemuzviroto

Dai wachingouya hako

Chinguri ndakakumirira

Chinguri ndichangokumirira

Ko zvino ndichararawo rinhi

Ko zvino ndicharara pamakumbo ako rinhi

Ko zvino uchararawo rinhi pachipfuva changu

Wakandivhara angu maziso nehutafutanana  hwako?

MAGUMO!!!