CHISHIRI CHISINA WACHO: BY MARTEL RIC MAK [...CHIEF OF KATANGA...]

Monday 19 February 2015

Written by: Martel Ric Mak

Editor: Takudzwa Chikepe

CHISHIRI CHISINA WACHO

Chishiri chisina wacho

Chishiri chisina kwacho

Chimbori chaniko chishiri ichi

Kudaira ndopasina ano..

Zvino ndochivhunza ndega ini!

Ko iwe...iwewe ehe iwewe uriwaani ko iwe                                    

Umbori werdivi ripi chairo...aiwaka taurai tsano        

Kukuonai bhruu- bruu toti munobva kwashiri

Kubvunza mbeva...ko ava ndevapi ava

Shamwari munhu siyana neni

Wakambondiona ndichidya sadza naye ini

Toti hazvinetse tinokubata chete

Kudai nekudai chikirimbani kwacha

Chikirimbani kwacha takubata shiribonga 

Kungokubataso...aikazve watova mbeva    

A-aah nyatsotsanangura mudikani- ndiwe ani

Umbori wekwaniko iwewe

Maitiro ako aya haasi ekugarisana nevamwe aya

Ukati haufambe husiku here iwewe

Ukati hausi muzukuru wazizi here iwewe

Chishiri chisina wacho

Chishiri chisina kwacho

Chimbori chaniko chishiri ichi

Kudaira ndopasina ano..

Zvino ndochivhunza ndega ini!

Ungatiudzawo kuti pako ndepapi     

Yako midzimu inochii newe

Mabhuku awakaverenga anotyisa ndeapi                   

Kukuwana wakafa toti shiri huyai  

Anokupa simba remasaramusi akadi

Kudoedza kuti imi vana shiri ndewenyu uyu

Hanzi a-aah aiwa uyu ndimbeva uyu

Nekowo vana mbeva huyai mutore mumwe wenyu uyu

Zvonzi munhu akanga kutiitira masaramusi zvakare- manje hatidaire

Rako izwi ndiro tisingazwe- Rako izwi ndiro usina kumbobvira watipa...             

       

Zvino-hezvo nhasi igumi nefarira matambudziko

Kukutsvakira hama kuti vakuvige

Remwa remwa watii uri wani

Dai zvaibvira watizivisa

Kwako kumusha ndekupi

Tiwane kukuchema zvine mwero

Chako chete kuda kutiparisa mhozva

Chako chete kuda kutiripisa mhosva

Chako chete kuda kuzouya usiku wotinetsa

Uchiti hatina kukuradzika zvakanaka- kune hama dzako!

Chokwadi maitiro ako haana kunaka mufunge- chokwadi haana kunaka...

CHISHIRI CHISINA WACHO

MAGUMO!!!